வஞ்சி வந்தனளே

                              கீர்த்தனை:

பல்லவி:

வஞ்சி வந்தனளே மலைகுற

வஞ்சி வந்தனளே

அனுபல்லவி:

வஞ்சி எழிலப ரஞ்சி வரிவிழி

நஞ்சி முழுமர நெஞ்சி பலவினில்

அஞ்சு சடைமுடி விஞ்சை அமலனை

நெஞ்சில் நினைவொடு முஞ்சு குறிசொல - வஞ்சி வந்தனளே....

சரணம்:

ஆடும் இருகுழைத் தோடும் ஒருகுழற்

காடும் இனைவிழி.......சாடவே

கோடு பெருமுலை மூடு சலவையி

னூடு பிதுங்கிமல்...........லாடவே

தோடி முரளிவ ராளி வயிரவி

மோடி பெறவிசை.........பாடியே

நீடு மலைமயி லாடு மலைமதி

சூடு மலைதிரு கூட மலைகுற - வஞ்சி வந்தனளே

                               - திரிகூட ராசப்பகவிராயர்

அதே சந்தத்தில் எனது முயற்சி........

பல்லவி:

வஞ்சி வந்தனளே மழையெனும்

வஞ்சி வந்தனளே.......

அனுபல்லவி:

மிஞ்சு கடலினில் விஞ்சு கதிரவன்

மஞ்சு குவளயில் கொஞ்ச முகந்திட

நஞ்சு உலகினில் பஞ்ச மழிந்திடக்

கெஞ்சு முழவர்கள் நெஞ்சு குளிர்ந்திட - வஞ்சி வந்தனளே.....

சரணம்:

காடு மலைகளில் ஓடை குளங்களில்

ஓடும் நதிகளில்...........ஆடியே

நாடு நகர்களில் தாள ஜதியுடன்

ஆடி யிடியுடன்.............பாடியே

நீடு வனங்களும் வாடும் பயிர்களும்

கோடி உயிர்களும்.......வாழவே

பாடு மழைவிளை யாடு மழைசதி

ராடு மழைபுவி கூடு மழையெனும் - வஞ்சி வந்தனளே......

                           

                          - யாழ்